ഇന്ത്യയുടെ പുതിയ ബാറ്റിംഗ് പ്രതീക്ഷയായി മാറുകയാണ് തിലക് വര്‍മയെന്ന യുവതാരം. അന്താരാഷ്ട്ര ക്രിക്കറ്റില്‍ അരങ്ങേറ്റം കുറിച്ചില്ലെങ്കിലും ആഭ്യന്തര ക്രിക്കറ്റില്‍ തകര്‍പ്പന്‍ ഫോമിലാണ് തിലക്. ഇടംകൈയന്‍ ബാറ്റ്‌സ്മാനായ ഈ പത്തൊമ്പതുകാരന്റെ സയദ് മുഷ്താഖ് അലി ട്രോഫിയിലെ സ്‌കോറുകള്‍ ഇങ്ങനെയാണ്- 60,57,62,67,12.
തകര്‍പ്പന്‍ ഫോമിലുള്ള തിലകിന്റെ ചുമലിലേറിയാണ് ഹൈദരാബാദിന്റെ ഈ സീസണിലെ കുതിപ്പ്. കളിച്ച അഞ്ചില്‍ മൂന്നെണ്ണത്തിലാണ് ഹൈദരാബാദ് ജയിച്ചത്. തോറ്റ മല്‍സരങ്ങളിലൊന്നില്‍ 12 റണ്‍സാണ് തിലക് നേടിയത്. ബാറ്റിംഗില്‍ മാത്രമല്ല ബൗളിംഗിലും തിലകിന്റെ സംഭാവനയുണ്ട്. ഈ ടൂര്‍ണമെന്റില്‍ ഇതുവരെ 2 വിക്കറ്റുകളും വീഴ്ത്തിയിട്ടുണ്ട്.
മുഷ്താഖ് അലി ട്രോഫിയില്‍ നിലവില്‍ ടോപ് സ്‌കോററാണ് തിലക്. 6 കളിയില്‍ നിന്നും 297 റണ്‍സാണ് താരം നേടിയിരിക്കുന്നത്. 49.50 ആണ് ആവറേജ്. 136.66 എന്ന മാന്യമായ സ്‌ട്രൈക്ക് റേറ്റും തിലകിനുണ്ട്. റണ്‍വേട്ടക്കാരില്‍ രണ്ടാംസ്ഥാനത്ത് റിതുരാജ് ഗെയ്ക്ക്‌വാദും (295), യാഷ് ദുള്‍ (291) എന്നിവരാണ്. മൂവരും ഇന്ത്യയുടെ ഭാവി പ്രതീക്ഷകളാണ്.
