![](https://i0.wp.com/sportsqonlive.com/wp-content/uploads/2022/03/hs.jpg?resize=780%2C470&ssl=1)
ഇന്ത്യന് സൂപ്പര് ലീഗിന്റെ ജനുവരി ട്രാന്സ്ഫര് വിന്ഡോയില് നോര്ത്ത് ഈസ്റ്റ് യുണൈറ്റഡില് നിന്ന് ഹെര്നന് സന്റാനയെ സൈന് ചെയ്യാന് കേരള ബ്ലാസ്റ്റേഴ്സ് ശ്രമിച്ചിരുന്നതായി വെളിപ്പെടുത്തല്. എന്നാല് താരത്തെ വിട്ടു കൊടുക്കാന് നോര്ത്ത് ഈസ്റ്റ് തയാറാകാതിരുന്നതോടെ ഈ കരാര് നടക്കാതെ പോയി. ടൈംസ് ഓഫ് ഇന്ത്യ സ്പോര്ട്സ് എഡിറ്റര് മാര്ക്കസ് മെര്ഗുല്ഹോ ആണ് വെളിപ്പെടുത്തല് നടത്തിയത്.
മുപ്പത്തൊന്നുകാരനായ ഈ താരത്തെ കിട്ടിയിരുന്നെങ്കില് ബ്ലാസ്റ്റേഴ്സിന് അതു വലിയ നേട്ടമായേനെ. മുംബൈ സിറ്റി കിരീടം നേടിയ സീസണില് അവര്ക്കായി തകര്ത്തു കളിച്ച താരമാണ് ഈ സ്പാനിഷുകാരന്. അടുത്ത സീസണിലേക്ക് സന്റാനയെ ബ്ലാസ്റ്റേഴ്സ് സ്വന്തമാക്കുമോയെന്ന കാര്യത്തില് വ്യക്തതയില്ല. എന്തായാലും അടുത്ത സീസണിലേക്ക് വലിയ ദൂരമില്ലാത്തതിനാല് ബ്ലാസ്റ്റേഴ്സ് ഒരുക്കങ്ങള് നേരത്തെ തുടങ്ങാന് സാധ്യതയുണ്ട്.