ഒഡ്വേയ്ന്‍ സ്മിത്തിന്റെ കരിയര്‍ മാറ്റിമറിച്ചത് രണ്ടേ രണ്ടു പരമ്പരയാണ്. ആദ്യത്തേത് അയര്‍ലന്‍ഡിനെതിരേ ജനുവരിയില്‍. പിന്നീട് കഴിഞ്ഞദിവസം നടന്ന ഇന്ത്യയ്‌ക്കെതിരായ മത്സരങ്ങളും. വാലറ്റത്ത് തകര്‍പ്പന്‍ ഷോട്ടുകളും സ്ഥിരമായി 140 കിലോമീറ്റര്‍ വേഗത്തില്‍ പന്തെറിയാനും സാധിക്കുന്ന സ്മിത്തിന് ഇത്തവണ ലേലത്തില്‍ പഞ്ചാബ് കിംഗ്‌സ് സ്വന്തമാക്കിയത് ആറുകോടി രൂപയ്ക്കാണ്. ഏറ്റവും മികച്ച വാങ്ങലുകളിലൊന്നെന്ന് ഈ ലേലത്തെ പറയാം. വാലറ്റത്ത് ഒറ്റയ്ക്ക് കളിജയിപ്പിക്കാന്‍ ശേഷിയുള്ള താരമാണ് സ്മിത്ത്. കഴിഞ്ഞ സീസണില്‍ കൊല്‍ക്കത്ത നൈറ്റ്‌റൈഡേഴ്‌സിന്റെ നെറ്റ് ബൗളറായിരുന്നു സ്മിത്ത്. അവിടെ നിന്ന് ഇന്ന് ഏറെ വിലയുള്ള താരമാകാന്‍ അദേഹത്തിന് സാധിച്ചു.
