![](https://i0.wp.com/sportsqonlive.com/wp-content/uploads/2022/03/fa6179a9-untitled-design-1.png?resize=780%2C470&ssl=1)
മെഗാ ലേലത്തില് കൊല്ക്കത്ത നൈറ്റ് റൈഡേഴ്സ് സ്വന്തമാക്കിയ ഇംഗ്ലണ്ട് ബാറ്റര് അലക്സ് ഹെയ്ല്സ് ഐപിഎല്ലില് നിന്നും പിന്മാറി. ടൂര്ണമെന്റിലെ ബയോ ബബിള് കാരണമാണ് പിന്മാറ്റമെന്നാണ് സൂചന. ഹെയ്ല്സിന് പകരമായി എത്തുന്നത് ഓസ്ട്രേലിയന് ക്യാപ്റ്റന് ആരോണ് ഫിഞ്ച് ആണ്. ഓസ്ട്രേലിയയിലെ ടി20 ലോക ചാമ്പ്യന്മാരാക്കിയ ഫിഞ്ചിനെ ലേലത്തില് ടീമുകളൊന്നും പരിഗണിച്ചിരുന്നില്ല.
ഐപിഎല്ലില് 87 മത്സരങ്ങളുടെ പരിചയം ഫിഞ്ചിനുണ്ട്. 2000 ഐപിഎല് റണ്സും നേടുകയുണ്ടായി. ഇത്തവണ 1.5 കോടി രൂപയായിരുന്നു മെഗാ ലേലത്തിലെ അടിസ്ഥാന വില. അതേ തുകയ്ക്ക് കൊല്ക്കത്തയില് ഫിഞ്ച് ചേര്ന്നേക്കും. ഫിഞ്ചിനെ ടീമുകള് ലേലത്തിലെടുക്കാത്തിനെ നേരത്തെ പലരും വിമര്ശിച്ചിരുന്നു. എന്നാല്, ഐപിഎല്ലില് കഴിഞ്ഞ ചില സീസണുകളില് തിളങ്ങാന് ഫിഞ്ചിന് സാധിക്കാത്തതാണ് ഇക്കുറി ലേലത്തിലും തിരിച്ചടിയായത്.
ബയോ ബബിള് പ്രശ്നം മൂലമാണ് ഐപിഎല്ലില് നിന്നും പിന്മാറാന് കാരണമെന്ന് ഹെയ്ല്സ് അറിയിച്ചിട്ടുണ്ട്. കഴിഞ്ഞ നാലു മാസം കുടുംബത്തില് നിന്നും അകന്നു നില്ക്കേണ്ടിവന്നു. ഓസ്ട്രേലിയയില് വെച്ച് കൊവിഡ് 19 ബാധിക്കുകയും ചെയ്തു. അതുകൊണ്ടുതന്നെ കുടുംബത്തെ കൂടുതല് കാലം വിട്ടുനില്ക്കേണ്ടിവരുന്നത് ബുദ്ധിമുട്ടുണ്ടാകുമെന്നതിനാലാണ് ഐപിഎല്ലില് നിന്നും പിന്മാറുന്നതെന്ന് ഹെയ്ല്സ് പറഞ്ഞു.