Cricket

നിയമവിരുദ്ധമായി ഐപിഎല്‍ സംപ്രേക്ഷണം ചെയ്തു!! നടി തമന്നയ്ക്ക് നോട്ടീസയച്ച് പോലീസ്

ഐപിഎല്‍ മത്സരങ്ങള്‍ നിയമവിരുദ്ധമായി സംപ്രേഷണം ചെയ്തെന്ന കേസില്‍ ചോദ്യം ചെയ്യലിനു ഹാജരാകാന്‍ ആവശ്യപ്പെട്ട് നടി തമന്ന ഭാട്ടിയയ്ക്ക് മഹാരാഷ്ട്രാ സൈബര്‍ സെല്ലിന്റെ നോട്ടീസ്.

ഏപ്രില്‍ 29ന് ഹാജരാകാനാണ് നോട്ടീസിലെ നിര്‍ദേശം. ബെറ്റിംഗ് ആപ്പ് മഹാദേവിന്റെ സബ്സിഡിയറി ആപ്പ് ആയ ഫെയര്‍ പ്ലേയിലൂടെ ഐപിഎല്‍ കാണുന്നതിനെ പ്രമോട്ട് ചെയ്തതുമായി ബന്ധപ്പെട്ടാണ് ചോദ്യം ചെയ്യല്‍.

ഏതാനും ഐപിഎല്‍ മത്സരങ്ങള്‍ ഈ ആപ്പിലൂടെ സംപ്രേഷണം ചെയ്തെന്നു കണ്ടെത്തിയതായി പോലീസ് പറഞ്ഞു.

കേസുമായി ബന്ധപ്പെട്ട് ബോളിവുഡ് താരം സഞ്ജയ് ദത്തിന്റെ മാനേജരുടെ മൊഴി രേഖപ്പെടുത്തിയിട്ടുണ്ട്. ഗായകന്‍ ബാദ്ഷായുടെ മൊഴിയും രേഖപ്പെടുത്തിയെന്നാണ് റിപ്പോര്‍ട്ടുകള്‍.

2023ലെ ഐപിഎല്‍ മത്സരം ഫെയര്‍പ്ലേ ആപ്പ് വഴി സംപ്രേഷണം ചെയ്തുവെന്നും ഇത് വയാകോമിന് കോടികളുടെ നഷ്ടം ഉണ്ടാക്കിയെന്നുമാണ് കേസ്.

തെന്നിന്ത്യന്‍ സിനിമയില്‍ ഏറ്റവുമധികം ആരാധകരുള്ള താരങ്ങളിലൊരാള്‍ കൂടിയാണ് തമന്ന. തമിഴ് ചിത്രം അരണ്‍മനൈ 4 ആണ് തമന്നയുടേതായി പുറത്തിറങ്ങാനിരിക്കുന്ന അടുത്ത ചിത്രം.

Related Articles

Back to top button