Cricket

ചാമ്പ്യന്‍സ് ട്രോഫിയോടെ നാലു താരങ്ങളുടെ കാര്യത്തില്‍ തീരുമാനമാകും !! നിര്‍ണായക സൂചനയുമായി ഗൗതം ഗംഭീര്‍

ഇന്ത്യന്‍ ക്രിക്കറ്റ് ടീം പരിശീലകനായി ഗൗതം ഗംഭീര്‍ ഉടന്‍ ചുമതലേല്‍ക്കുമെന്ന റിപ്പോര്‍ട്ടുകള്‍ക്കിടയില്‍ ചില മുതിര്‍ന്ന താരങ്ങളുടെ ഭാവിയെക്കുറിച്ചുള്ള ചര്‍ച്ചകളും സജീവമായിരിക്കുകയാണ്.

ബിസിസിഐയുമായുള്ള അഭിമുഖത്തില്‍ നാല് മുതിര്‍ന്ന താരങ്ങളുടെ അവസാന ടൂര്‍ണമെന്റായി 2025ലെ ചാമ്പ്യന്‍സ് ട്രോഫി കണക്കാക്കപ്പെടുമെന്ന് ഗംഭീര്‍ പറഞ്ഞതായി നവഭാരത് ടൈംസ് റിപ്പോര്‍ട്ട് ചെയ്യുന്നു.

വിരാട് കോഹ്ലി, രോഹിത് ശര്‍മ്മ, രവീന്ദ്ര ജഡേജ, മുഹമ്മദ് ഷമി തുടങ്ങിയ താരങ്ങള്‍ക്ക് പാകിസ്താനില്‍ നടക്കുന്ന ചാമ്പ്യന്‍സ് ട്രോഫി അവസാന അവസരമായിരിക്കും.

ചാമ്പ്യന്‍സ്‌ട്രോഫിയില്‍ ഈ താരങ്ങളുടെ പ്രകടനം അനുസരിച്ചിരിക്കും ഇവരുടെ മുന്നോട്ടുള്ള പോക്ക്, കിരീടവിജയത്തിനായി സംഭാവന നല്‍കാന്‍ കഴിയാത്തവരെ പുറത്താക്കുമെന്നാണ് സൂചന. എന്നാല്‍ ക്രിക്കറ്റിന്റെ മൂന്ന് ഫോര്‍മാറ്റുകളില്‍ നിന്നും ഇവര്‍ പുറത്താകുമോയെന്ന കാര്യത്തില്‍ വ്യക്തതയില്ല.

അഞ്ച് പ്രധാനകാര്യങ്ങളാണ് ഗംഭീര്‍ അഭിമുഖത്തില്‍ ഉന്നയിച്ചത്. ടീമിന്റെ കാര്യങ്ങളില്‍ ബോര്‍ഡിന്റെ ഇടപെടല്‍ ഉണ്ടാകാന്‍ പാടില്ല.

പരിശീലക സംഘത്തെ താന്‍ തീരുമാനിക്കും. ടെസ്റ്റ് ക്രിക്കറ്റിന് മറ്റൊരു ടീം ഉണ്ടാകണം. 2027 ലോകകപ്പ് ലക്ഷ്യമാക്കി പ്രവര്‍ത്തനം നടത്തണമെന്നും ഗംഭീര്‍ അഭിമുഖത്തില്‍ വ്യക്തമാക്കി.

ഗംഭീറിനൊപ്പം ബാറ്റിംഗ് പരിശീലകനായി ഡബ്ല്യു വി രാമനെ നിയമിച്ചേക്കുമെന്നും മുമ്പ് റിപ്പോര്‍ട്ടുകളുണ്ടായിരുന്നു.

Related Articles

Back to top button