Cricket

ഗാംഗുലിയെ കാണാന്‍ 12 വയസുകാരന്‍ തനിച്ചു യാത്ര ചെയ്തത് 115 കിലോമീറ്റര്‍ !! ദാദയുടെ പ്രവൃത്തിയില്‍ കൈയ്യടിച്ച് ആരാധകര്‍

ഇന്ത്യന്‍ ക്രിക്കറ്റ് ഇതിഹാസവും മുന്‍ നായകനുമായ സൗരവ് ഗാംഗുലിയുടെ ജന്മദിനത്തില്‍ അദ്ദേഹത്തെ കാണായി ഒരു 12 വയസുകാരന്‍ തനിച്ച് യാത്ര ചെയ്തത് 115 കിലോമീറ്റര്‍.

അദൃഷ് ഹല്‍ദാറ് എന്ന 12കാരനാണ് തന്റെ പ്രിയതാരത്തെ കാണാന്‍ വീട് വിട്ടിറങ്ങിയത്. എന്നാല്‍ അന്നേദിവസം ഗാംഗുലിയെ കാണാന്‍ ഏഴാം ക്ലാസ് വിദ്യാര്‍ത്ഥിയായ കുഞ്ഞാധകന് സാധിച്ചില്ല.

എന്നിരുന്നാലും, സംഭവം കേട്ടറിഞ്ഞ ഗാംഗുലി തന്റെ യുവ ആരാധകനെ കാണാനുള്ള ആഗ്രഹം പ്രകടിപ്പിച്ച് അതിനുള്ള അവസരമൊരുക്കുകയായിരുന്നു.

ജൂലൈ എട്ടിനാണ് ഗാംഗുലി തന്റെ 52-ാം ജന്മദിനം ആഘോഷിച്ചത്. ഇത്തവണ ലണ്ടനില്‍ പഠിക്കുന്ന മകള്‍ സനയ്‌ക്കൊപ്പം അവിടെയായിരുന്നു ദാദയുടെ ജന്മദിനാഘോഷം.

”ഞാന്‍ ആ സാഹസികതയെക്കുറിച്ച് അറിഞ്ഞു. യുവ ആരാധകനെ കാണാന്‍ ഞാന്‍ ആഗ്രഹിക്കുന്നു”., ഗാംഗുലി തന്റെ പേഴ്സണല്‍ അസിസ്റ്റന്റിലൂടെ അറിയിച്ചു.

അതേസമയം, ഗാംഗുലിയുടെ ഓഫീസ് ആദൃഷിന്റെ മാതാപിതാക്കളുമായി ബന്ധപ്പെട്ടു, മാസത്തിന്റെ അവസാന ആഴ്ചയില്‍ ഗാംഗുലിയെ കാണാന്‍ കുട്ടിയെ കൊല്‍ക്കത്തയിലേക്ക് കൊണ്ടുവരാന്‍ ആവശ്യപ്പെട്ടു.

”ഓരോ ദിവസവും നിരവധി അഭ്യര്‍ത്ഥനകള്‍ വരുന്നുണ്ട്. പക്ഷേ ഇത് സവിശേഷമാണ്. കുട്ടിയുടെ ആഗ്രഹത്തെ ഞങ്ങള്‍ മാനിക്കാന്‍ ആഗ്രഹിക്കുന്നു,” ടൈംസ് ഓഫ് ഇന്ത്യയെ ഉദ്ധരിച്ച് ഗാംഗുലിയുടെ ഓഫീസിലെ ഒരു ഉദ്യോഗസ്ഥന്‍ പറഞ്ഞു.

യുവ ആരാധകന്‍ ക്രിക്കറ്റ് പ്രൊഫഷണലായി കളിക്കാന്‍ ആഗ്രഹിച്ചു, എന്നിരുന്നാലും, ക്രിക്കറ്റില്‍ കൂടുതല്‍ ശ്രദ്ധ ചെലുത്തരുതെന്ന് പിതാവ് അവനോട് ആവശ്യപ്പെട്ടു.

ഗാംഗുലിയെ പരിചയപ്പെടാന്‍ യുവ ആരാധകന്‍ ആഗ്രഹിച്ചു. അതിലൂടെ അദ്ദേഹത്തെ പ്രൊഫഷണലായി ക്രിക്കറ്റ് കളിക്കാന്‍ അനുവദിക്കണമെന്ന് പിതാവിനെ ബോധ്യപ്പെടുത്താന്‍ കഴിയുമെന്ന് കുട്ടി കരുതി.

അങ്ങനെയാണ് കുട്ടി പണം സ്വരൂപിച്ച് ഗാംഗുലിയെ കാണാന്‍ വീട്ടില്‍ നിന്ന് ഇറങ്ങിയത്. കുട്ടിയെ കാണാതായപ്പോള്‍ പോലീസ് സ്റ്റേഷനില്‍ പരാതി നല്‍കിയതായി അദൃഷിന്റെ പിതാവ് പറഞ്ഞു.

ഇതിനു പിന്നാലെ കുട്ടിയെ കണ്ടെത്തിയ പോലീസ് പിതാവിനെ വിളിച്ചു വരുത്തി കുട്ടിയെ വീട്ടിലേക്ക് അയയ്ക്കുകയായിരുന്നു.

ഗാംഗുലിയെ കാണാത്തതില്‍ അസ്വസ്ഥനായിരുന്നുവെങ്കിലും പോലീസ് തന്നോട് നന്നായി പെരുമാറിയെന്നും ഭക്ഷണമൊക്കെ വാങ്ങിത്തന്നെന്നും കുട്ടി പറഞ്ഞു. എന്തായാലും ഗാംഗുലിയെ കാണാനാവുമെന്ന സന്തോഷത്തിലാണ് കുട്ടി.

Related Articles

Back to top button